தும்மலுக்கு மருந்தெடுக்க
போனவன் குண்டுமழையில்
நனைந்தபடி வீடு வந்து
சேர்ந்தான் பிணமாக
*
கொள்ளிவைக்க யாரும்
மிஞ்சவில்லை ஒரே
குண்டில் குடும்பமே பலி
*
குழந்தையில் வீட்டில் ஊர்ந்து பழகியது
உதவி செய்கிறது குண்டுவிமானம்
வருகையில் தெருக்களில் ஊர
*
பத்து மாதம் சுமந்தவளும்
இறந்து போகிறாள் பதினைந்து
நிமிடம் சுமக்க முடியாத விமானத்தின்
குண்டுகளால்
*
எனக்கும் யோதிடம் தெரியும்
என் சாவும் குண்டுகளால்தான்
எந்த குண்டால் என்பதைத்தான்
கணிக்கமுடியவில்லை
*
குண்டுகளை தயாரிப்பவர்களே
நீங்கள் அக்கா,அண்ணா,தம்பி,
தங்கையோடு பிறந்ததில்லையா…?
-யாழ்_அகத்தியன்
No comments:
Post a Comment